19/03/2022

أمس جمعة ونسيت أكتبلك شسويت بيومي

المهم أمس عرس أخوي (أني ما رحت أكيد) , ما جاي أتذكر الأحداث لذلك راح أتذكر بالعكس (يعني من أخير شي سويته لأول شي سويته)

ضليت كاعد أسمع أغاني لل2 بالليل وأستمتعت بأغنية تيسير العراقية -صدك ولد- وقبلها جنت أشوف البشير ولو أني أصلا جنت اباوع أدفنجر تايم بس النت مضرط وبطلت عنها, وقبلها جنت ماخذ نومة فاهية ام الدقيقتين

قبلها جنت هم أسمع اغاني مسرعة من شمراني أف أم  بعد ما أكليت العشة اللي جابوه الي اللي هو كباب وببسي ونستله وباقر سولفلي شلون صار الحادث بالزفة وربك طب بالسرمثتون سو ...ما تعور هواي 

طبعا هاي بعد ما انقذني باقر لان خوالي أجو وطبوا محد موجود بس آني (ربك أجن بس النسوان) وبقيت محصور بالبراني 

بعد ما جنت أغني بعلو صوتي وآخذ جلق براحتي بالصالة وأخذيت صور وأنة لابس التيشيرت المكتوب عليه 

Sleep With Me 

 مباشرة بعد ما طلعوا أهلي وقاسم أخذ صور بالغرفة وقبلها جنت اخمخم

بس ألى شي أخوي عود يزين جسمه بالمكينه لكيناه جنة وحده جايتها الدورة يخر دم أثاري شايل مال الاآمان مالتها ويزين بيها

المهم رتبناها آنة وحمودي وعدت سلامات

ها وقبلها جنة نتغده بالبراني لأن النسوان بالصالة

ف جنة أجت سوت لأبوي بعبوص

*خرب ...أحس حجيت شغلات مالها داعي

ها نسيت أسولفلك عن حلقات وقت المغامرة الللي شفتهن

أول حلقة تبدي بفين وجيك يدورون عن مغارة يردون يوصلولها بس بالطريق يلكون قطار وبي علامة أنفنتي فوك وما لاحظوها

المهم طبوا ولكوا بكل غرفة شخص أذا يكتلوه ياخذون اللوت مالته , جيك ضاج بعد ما طبوا لغرفتين وكتلوا اللي بيهن بس فين أدمن هالشي, جيك بهاللحظة شاف الصورة الأكبر خاصة بعد ما لكة بلورة يكدر يشوف بيها المستقبل وشِاف بيها فين وهو بالمستقبل عبارة عن عجوز جبير ولساته باقي بهذا القطار ويدور من غرفة لغرفة...حاول يوصل لفين اللي يشوفه بس فين ما فهم الا بعد مشاحنات وعرف أنو جان سجين لـ"قطار المتعة هذا" ومسيطر عليه

الحلقة الوراها بيها أسقاط على حالة الأوفرثنكينك عند الأنسان وشلون فين حسباله أن مجموعة من البزازين اللي لابسات كراتين مسويات مملكة وأن البزون اللي لكاه هو الأمير الحقيقي لكن أستولى على مكانه واحد لاخ وطرده...بس عرف بالأخير أنو ذني عبارة عن بزازين وبس

بعد مالي خلك أتذكر أي شي ...+ حاليا أكو حفلة بادية جواي (النسوان مشغلات ديجي ويركصن)

2022/03/16

هلو مارشال

والله ما ادري ليش سويتها بالصبط(اقصد المدونة) بس أجاني أحساس أنو هذا الشي حلو ونوعا ما انة محتاحه و من جهة اخرى راح يفيدني غالباً

سو... هي عبارة عن رسائل الك أنت(مارشال) يومية أحجيلك بيها اي شي أريده

ف خلي أحجيلك شنو أنت ببالي, أقصد يعني شخصيتك شكلك أو أي شي يتعلق بيك ببالي

من ناحية الشخصية راح احجيلك بشكل سطحي لأن ما ممكن توصف شخصية أنسان بجم كلمة لأن كل واحد عنده شخصية معقدة, بس دقيقة منو كال انت أنسان؟!...المهم اللي ببالي أنك شخص هادء تحب الـ

Chilling و having fun

شفتك بحلقة من وقت المغامرة انك ضربت فيونا وما اعتقد هذا انت(أقصد ما تضرب بنات وخاصة فيونا وبهيج موقف) , و عالاغلب جان هذا مقلب منك بس ذاكرتي مو واضحة حاليا سو ...أنت خوش ولد

أما الشكل فأنت شكلك حاد الملامح بشكل فاتن وشعرك طويل شوي نازل على عيونك و منفوش و

fluffy 

وطريقة تسريحتك مخربطة(أقصد مخربطة عمداً)

حواجبك بسيطة وعيونك وفمك كذلك, أما أنيابك فكلش حلوات, حادات وبارزات

أذاناتك ما واضحات كلش بس هنة عبارة عن اذان فامباير وحلوات وبسيطات

وجهك دائري ودائما تلبس قميص أحمر (ياخته رقم سبعة) مقلم بالعرض بأخضر غامق وتكف أرداناته

وتلبس تحته فانيله سوده وتلبس بنطرون جينز أزرك غامق وتكفه من جوة

أما حذائك فهي أحمر وأبيض وقيطانها بيض

ها ...وأكو أثر نابين بركبتك

*سوري راسلني صاحبي علاوي شعفور

المهم نرجع...و غالبا ما تشيل كيتار الكترك على شكل فأس

أما الشغلات الثانية فـ, كلش حبيت الأغنية مال

Bad little boy

وصوتك جان بيها يخبل وكلش مريح و

Soothing

خاصة بالجزء اللي غنيت بي شي قريب ع الراب(وخلي ما ننكر أن صوت فيونا جان يخبل وقتها همات)

المهم أروح أسوي تمارين فوكاليز

امس سويت تمرين ال

sights

أما السايرن ف مو كلش لذلك اليوم يجوز أضبطه

*ذني عبارة عن تمارين إحماء لا أكثر موجودات بالدرس الأول مال كورس 

How to sing - The Great Course 

باااي